“Turqia drejt izolimit”, zyrtari i BE: Erdogan të ulë tonet, jo gjuhë të vrazhdë

Retorika e drejtuesve të shtetit turk për vendet fqinje ka rritur shqetësimet në Bashkimin Evropian. Raportuesi për Turqinë në Parlamentin Evropian, NACHO AMOR tha se Turqia është izoluar ndërkombëtarisht dhe duhet të ulë tonet, nëse dëshiron të fitojë koncesione të rëndësishme nga Bashkimi Evropian.

Ai u shpreh se gjuha e vrazhdë e Ankarasë për politikat e jashtme është një nga pengesat kryesore në përmirësimin e marrëdhënieve të saj me Brukselin.

Turqia kërkon nga BE lehtësimin e procedurave për lëvizjen e qytetarëve, si dhe uljen e tarifave doganore. Shefi i diplomacisë së BE-së, Josep Borrell, tha pak ditë më parë se Turqisë mund t’i plotësohen këto dy kërkesa në këmbim të disa koncesioneve.

Presidentit turk i kërkohet të bëjë më shumë për çështjen e Qipros dhe ta luftojë shmangien e sanksioneve kundër Rusisë.

LEXONI GJITHASHTU:

• Erdogan: Izraeli ka marrë peng 10 mijë palestinezë
• Erdogan: Turqia do të rindërtojë Gazën nëse arrihet armëpushimi