“Turqia i ka hequr vizën Netanjahu”, Erdogan: Do t’i çojmë në gjykatën ndërkombëtare

Presidenti i Turqisë, Recep Tayyip Erdogan, e ka bërë të qartë kryeministrit izraelit, Benjamin Netanyahu, se ai ka ndërmend që ta çojë atë përballë Gjykatës Ndërkombëtare Penale, për gjithë veprimet e ndërmarra në Gaza në javët e fundit, ku kanë mbetur të vrarë mbi 9 mijë palestinezë, gjysma prej të cilëve gra e fëmijë.

Duke folur me gazetarët në bordin e avionit presidencial ndërsa kthehej nga një udhëtim në Kazakistan, Erdogan e përshkroi kryeministrin Netanyahu si ” dikush me të cilin nuk mund të flasim më”, duke shtuar: “Ne i kemi hequr vizën. Stafi diplomatik i Izraelit në Turqi u largua nga vendi muajin e kaluar pasi shpërthyen protestat në mbështetje të palestinezëve.

Kështu, Erdogan gjatë një fjalimi publik, kritikoi Netanyahun dhe është zotuar se do ta çojë kryeministrin izraelit përpara GJNP-së, që të japë llogari mbi gjithë këtë aksion që ka zhvilluar në Gaza.

LEXONI GJITHASHTU:

• Erdogan: Pas luftës, Gaza duhet të jetë pjesë e një shteti të pavarur palestinez
• Tubim masiv pro Palestinës në Stamboll, Erdogan: Izraeli është një pushtues