Turqia mbështet Mark Rutte për postin e kreut të NATO-s

Turqia u ka thënë aleatëve të saj në NATO se Ankaraja do të mbështesë kandidaturën e kryeministrit aktual të Holandës, Mark Rutte, për të marrë postin e sekretarit të përgjithshëm të aleancës ushtarake perëndimore, tha një zyrtar i lartë turk.

Zyrtari tha se Turqia ka njoftuar diplomatët e aleancës në Bruksel të hënën për këtë zhvillim. Vendimi u bë publik pasi tre ditë më herët Rutte qëndroi në Turqi për të kërkuar mbështetje për kandidaturën e tij nga presidenti turk, Recep Tayyip Erdogan.

Zyrtari që njoftoi për këtë lajm foli në kushte anonimiteti në linjë me protokollin e Qeverisë turke.

Shefi aktual i NATO-s, Jens Stoltenberg, është afër përfundimit të mandatit të tij. Ai ka qenë në krye të NATO-s që nga viti 2014.

LEXONI GJITHASHTU:

• Kishte planifikuar të vriste kryeministrin Mark Rutte, Spanja liron bosin e drogës
• Mark Rutte në NATO/ Kryeministri Rama: Lajm i mirë, është 100% kandidati jonë