Turqia nderon me medalje Kosovën për ndihmën gjatë tërmetit

Presidenti turk Recep Tayyip Erdogan ka nderuar me medalje presidenciale të gjitha vendet mike që iu gjenden pranë sapo ra tërmeti tragjik i 6 shkurtit.

Dekorimi me medalje presidenciale vjen edhe si meritë e kontributit të ekipeve të kërkim-shpëtimit.

Mes vendeve që morën medalje ishte edhe Kosova. Ministri i Mbrojtjes Arben Mehaj shkroi në Facebook se u vlerësuan për kontributin e pakursyer.

Në ceremoninë e dhënies së medaljes presidenciale dhe urdhrit të shërbimit të shquar humanitar pas tërmeteve të 6 shkurtit në pjesën jugore të Turqisë, Republika e Kosovës ishte ndër vendet e dekoruara me medalje nga presidenti i Turqisë Recep Tayyip Erdoğan si meritë e kontributit të pakursyer të ekipit të kërkim-shpëtimit të Forcës së Sigurisë së Kosovës”, shkroi Mehaj.

Tërmetet që goditën Turqinë në shkurt të këtij viti lanë të vdekur mbi 50 mijë persona.

LEXONI GJITHASHTU:

• Turqia në panik, një tjetër tërmet pritet të godasë zonën e shkatërruar 
• Turqia arreston mbi 100 persona “të lidhur me militantët kurdë”