Më shumë se 200 milionë adresa e-mailesh janë vjedhur nga Twitter. Hakerat i kanë publikuar në disa forme online ku qarkullojnë pa pagesë.
Rrjeti social Twitter ka rënë pre e sulmeve kibernetike. Hakerat kanë goditur bazën e të dhënave të kompanisë duke marrë prej saj adresat e e-maileve të rreth 200 milionë përdoruesve.
Sipas mediave ndërkombëtare, të dhënat e personave që përdorin Twitter janë shpërndarë në një forum hakerash dhe mund të merren falas. Kompania ende nuk ka dhënë detaje mbi atë që ka ndodhur se çfarë dëmi i ka shkaktuar sulmi.
Zyrtarisht kompania ka rreth 340 milionë përdorues aktivë në gjithë botën. Nëse vjedhja konfirmohet, ky mund të jetë sulmi më i madh ndaj një kompanie të rrjeteve sociale.
Që pas blerjes së kompanisë nga miliarderi Elon Musk, Twitter është përballur me shumë probleme. Politikat e ndjekura nga Musk kanë sjellë pakënaqësi të shumë përdoruesve. Ndërkohë, kuotat e kompanisë në bursë kanë pësuar ulje dhe një pjesë e investitorëve po largohen.
Për të rritur të ardhurat, Twitter njoftoi se fundi se do të rrisë numrin e reklamave politike me pagesë në platformë.
LEXONI GJITHASHTU:
- Twitter vihet nën hetim, hakeri shet të dhënat e politikanëve dhe VIP-ave
- Rikthehet Twitter, pasi ndërprerja globale goditi mijëra përdorues
