Tym mbi Tel Aviv, breshëria e raketave iraniane drejt Izraelit qendror

Një breshëri raketash nga Irani ka goditur disa vende në Izraelin qendror, përfshirë Tel Avivin. Deri tani janë raportuar të paktën pesë të plagosur, njëri prej të cilëve në gjendje të rëndë.

Sipas autoriteteve izraelite, shumica e lëndimeve u shkaktuan nga shrapnelat e kapjes së raketave. 

“Ajo që mund të raportojmë tani është se jemi në skena të shumta, ndoshta është një raketë me shpërndarje, kështu që ka skena të shumta, por skena të vogla. Në vendin ku ndodhemi ne, ndodhet një person i plagosur rëndë i cili nuk ndodhej në një vend të mbrojtur”, është shprehur komandanti i policisë së qarkut.

Sipas raportimeve nga mediat vendase, gjurmë tymi dhe avujsh janë të dukshme mbi gjithë qytetin.

Kjo vjen pas një raporti nga Forcat Mbrojtëse të Izraelit (IDF) se raketat ishin lëshuar drejt Izraelit nga Irani. IDF tha se “sistemet mbrojtëse po veprojnë për të neutralizuar kërcënimin”.

Shërbimet e urgjencës mjekësore izraelite kanë thënë në një përditësim se po trajtojnë pesë persona “të plagosur nga shrapnelat” pasi “qëlluan drejt” Izraelit. Ata nuk specifikuan se në cilën pjesë të vendit.