U diskutua si frazë antisemite, bordi i META kërkon mos të fshihet “Nga lumi në det”

Bordi Mbikëqyrës i Platformës Meta ka thënë se kompania mëmë Facebook nuk duhet të heqë automatikisht një frazë që shihet nga disa si shfaqje solidariteti me palestinezët.

Bordi, i cili funksionon në mënyrë të pavarur, por financohet nga firma amerikane e mediave sociale, tha se fraza “Nga lumi në det” (“Form the river to the sea Palestine will be free”, është fraza e plotë) ka disa kuptime dhe si e tillë përdorimi i saj nuk mund të konsiderohet në vetvete si i dëmshëm, i dhunshëm ose diskriminues.

Fraza i referohet lumit Jordan dhe Detit Mesdhe, midis të cilëve shtrihen Izraeli dhe territoret e pushtuara palestineze. Shpesh këndohet në demonstratat pro-palestineze.

Kritikët e frazës thonë se ajo është antisemitike dhe një thirrje për çrrënjosjen e Izraelit. Grupe të tjera e kundërshtojnë atë interpretim.

“Konteksti është vendimtar,” tha bashkëkryetarja e Bordit Mbikëqyrës Pamela San Martin. “Thjesht heqja e fjalës politike nuk është zgjidhje. Duhet të ketë vend për debat, veçanërisht në kohë krize dhe konflikti.”