Dy persona B. K., 46 vjeç dhe S. V., 29 vjeç, drejtues autobusi të një agjencie udhëtimesh janë proceduar në gjendje të lirë.
Ata janë ndaluar nga policia, e cila gjatë kontrolleve të ushtruara, në pjesën fundore të një sediljeje, gjetën dhe sekuestruan 31 805 euro, të ndara në 4 pako të mbështjella me letër celofani.
Automjeti dhe shuma e parave u sekuestruan në cilësinë e provës materiale. Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
“Specialistët e Seksionit për Hetimin e Krimeve Ekonomike dhe Financiare, bazuar në informacionet e siguruara nga inteligjenca policore, kanë ushtruar kontroll në autobusin e një agjencie udhëtimi. Në pjesën fundore të një sediljeje, u gjetën dhe u sekuestruan 31 805 euro, të ndara në 4 pako të mbështjella me letër celofani.
Në vijim të veprimeve për këtë rast, nisi procedimi në gjendje të lirë për veprën “Mosdeklarimi në kufi i të hollave dhe i sendeve me vlerë”, për 2 drejtuesit e autobusit, shtetasit B. K., 46 vjeç dhe S. V., 29 vjeç, të dy banues në Vlorë”,-thuhet në njoftimin e policisë.
LEXONI GJITHASHTU:
- Përkeqësohet moti në Durrës, ndalohet lundrimi i mjeteve të vogla
- “Trafik droge, prostitucion e vjedhje”/ Ekstradohen 4 shqiptarë në Itali
