U konfliktua dhe dhunoi vëllanë e tij, arrestohet 29-vjeçari në Bulqizë

Një 29-vjeçar është arrestuar nga policia e Bulqizës pasi u konfliktua dhe dhunoi vëllain e tij.

Shërbimet e Komisariatit të Policisë Bulqizë, pas marrjes së njoftimit se në lagjen “Gjeologu”, po konfliktoheshin dy vëllezër, kanë reaguar menjëherë duke parandaluar përshkallëzimin e mëtejshëm të konfliktit, bëri me dije policia.

Si rezultat, shërbimet e Policisë kapën dhe arrestuan në flagrancë shtetasin B.D., 29 vjeç, banues në Bulqizë.

Ky shtetas, për motive të dobëta ishte konfliktuar dhe kishte dhunuar fizikisht vëllain e tij.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

LEXONI GJITHASHTU:

• EMRI| Plagosi me thikë 55-vjeçarin në Kavajë, arrestohet 22-vjeçari
• Në kërkim nga Italia për trafik kokaine, arrestohet në Kamëz 41-vjeçari