U konfliktuan për tokat me ullinj, detaje nga ngjarja me 3 të plagosur në Milot

Dy familje pranë Fushës së Milotit janë konfliktuar këtë të hënë për motive pronësie, ku si pasojë janë plagosur tre persona.

Nga ky konflikt, i cili mësohet të ketë ndodhur në lidhje për një sipërfaqe me ullinj, policia ka arrestuar autorin e plagosjes i cili dyshohet të jetë shtetasi Sokol Murati, por dhe vëllanë e tij Pëllumb Murati.

Në kërkim është shpallur djali i Sokolit, 32-vjeçari, Valdano Murati, i cili dyshohet të ketë marrë pjesë në konflikt.

Sokol, Pëllumb dhe Valdano Murati, sipas njoftimit të policisë, janë konfliktuar me sende të forta me tre vëllezërit shtetasit Y. V., S. V. dhe E. V.

Të tre personat e plagosur janë aktualisht në spital dhe ndodhen nën kujdesin e mjekëve.

Gjatë kontrollit në banesën e shtetasit Sokol Murati, policia gjeti dhe sekuestroi në cilësinë e provës materiale një sasi municioni luftarak.