U qëllua me breshëri kallashnikovi, si u ekzekutua 39-vjeçari tek Kodra e Diellit

Detaje të reja kanë dalë nga vrasja e Briken Sanajt në zonën e “Kodrës së Diellit”, në Tiranë.

Gazetari Eni Ferhati raporton se janë sekuestruar kamerat e sigurisë ku ndodhi ngjarja e rëndë.

Në to shfaqet një automjet tip “Benz”, i cili rreth orës 23:00 të së dielës është afruar pranë disa personave që po qëndronin sëbashku brenda rezidencës, ku mes tyre ishte edhe Briken Sanaj.

Një person, i cili ndodhej në sediljen e pastë të mjetit tip “Benz”, qëlloi me kallashnikov në drejtim të Sanajt.

Ky i fundit humbi jetën nga plagët e marra, teksa po transportohej për në spitalin e Traumës nga miqtë e tij.

Makina e autorëve u gjet disa minuta pas ngjarjes në Qafë Kashar, së bashku me armën e krimit.

Automjeti që u përdor në krim, kishte targa të vjedhura.

39-vjeçari nuk rezulton me precedent penal. Ai njihej edhe me emrin Skerdi Sanaj.

Kohët e fundit, ai ka jetuar në Itali. Nuk dihet ende nëse jetonte me qira apo kishte banesën e tij në zonën e Kodrës së Diellit në Tiranë.

LEXONI GJITHASHTU:

• EMRI| U qëllua 3 herë nga afër, kush është 39-vjeçari i vrarë te Kodra e Diellit
• Vritet me armë zjarri 39-vjeçari në Tiranë