U raportua i zhdukur, Kina konfirmon arrestimin e amerikanit nën akuza për spiunazh

Pekini konfirmoi të premten, arrestimin e Wu Minjin , një shtetas amerikan, i cili sipas autoriteteve kineze akuzohet për spiunazh dhe veprime që dyshohet se rrezikojnë sigurinë kombëtare të Kinës.

Siç deklaroi zëdhënësi i Ministrisë së Jashtme kineze, Lin Jian, Kina e ka informuar tashmë konsullatën amerikane në qytetin e Guangzhou-t për arrestimin e shtetasit, gjatë një konference të rregullt për shtyp.

Rasti doli në dritë pasi një raport i New York Times tha se Min Jin ishte zhdukur javën e kaluar në qytetin Kunming, në Kinën jugperëndimore, përpara se arrestimi i tij të konfirmohej nga autoritetet kineze.

Rasti i shtohet një serie incidentesh të regjistruara vitet e fundit në kontekstin e tensionit në rritje në marrëdhëniet midis Kinës dhe SHBA-së, veçanërisht në çështjet e sigurisë, teknologjisë dhe ndikimit gjeopolitik.

Aktualisht, nuk janë dhënë detaje të mëtejshme në lidhje me akuzat specifike ose gjendjen e të ndaluarit.