U rrëmbyen nga sekti fetar “Lev Tahor”, shpëtohen 17 fëmijë në Kolumbi

Autoritetet kolumbiane shpëtuan 17 fëmijë të shtunën nga sekti Lev Tahor në veriperëndim të vendit. Lev Tahor është përballur së fundmi me ndjekje penale për abuzim dhe keqtrajtim të fëmijëve në vende si Guatemala. Autoritetet kolumbiane kishin marrë paralajmërime për praninë e tyre në vend.

“Ne shpëtuam 17 fëmijë dhe adoleshentë nga sekti ultra-ortodoks hebre Lev Tahor. Kishte alarme ndërkombëtare për krime kundër të miturve që lidhen me këtë komunitet”, tha agjencia e emigracionit.

Sipas policisë, fëmijët janë të kombësive të ndryshme nga Guatemala, amerikanë dhe kanadezë. Ata theksojnë se disa nga fëmijët mund të jenë rrëmbyer dhe se ky operacion ka të bëjë me një rast të trafikimit të qenieve njerëzore nën maskën e doktrinës fetare.

Sekti, i themeluar në vitet 1980, praktikon një version radikal të judaizmit, i cili në veçanti përcakton që gratë duhet të jenë të mbuluara nga koka te këmbët me rroba të zeza. Në dhjetor 2024, autoritetet në Guatemalë njoftuan se kishin shpëtuar 160 fëmijë gjatë një operacioni në jug, për shkak të dyshimeve për trafikim të qenieve njerëzore.

🚨 Desde @MigracionCol lideramos un operativo en Yarumal (Antioquia) junto al Gaula Militar Oriente, donde rescatamos 17 niños niñas y adolescentes de la secta judío ortoxa Lev Tahor. Cinco de ellos tenían circular amarilla de @Interpol pic.twitter.com/mqub1BwfGf

— Migración Colombia (@MigracionCol) November 23, 2025

LEXONI GJITHASHTU:

• Sulme ajrore ruse në Kharkiv, 4 viktima dhe 17 të plagosur
• Belgjika në kolaps/ Ndërpriten trenat, mbyllen aeroportet dhe shërbimet publike