U shkatërruan 3900 prona dhe makina, dëmet nga protestat në Francë 650 mln euro

Sipas vlerësimeve të para të Shoqatës së Kompanive të Sigurimeve në Francë, dëmi nga protestat e fundit llogaritet në 650 milionë euro, që është tre herë më shumë se në vitin 2005.

Protestat nisën më 27 qershor për shkak të vdekjes së një adoleshenti që mbeti i vrarë nga një polic dhe me atë rast u dëmtuan 3900 prona dhe vetura private, raporton Figaro.

Presidentja e shoqatës Florence Lustman tha se Shoqata ka marrë 11,300 kërkesa për kompensim, nga të cilat 55 për qind kanë të bëjnë me pronat e biznesit dhe 35 për qind me pronën e pushtetit vendor.

Më 1 korrik, ministri i Ekonomisë Bruno Le Maire u kërkoi kompanive të sigurimeve të zgjasin afatin për marrjen e kërkesave për kompensim, të ulin zbritjen dhe të paguajnë shpejt kompensimin.

Për të ndjekur kanalin e youtube të Euronews Albania KLIKO KËTU! 

LEXONI GJITHASHTU:

• Protestat në Francë, Mbappe bën thirrje për t’i dhënë fund dhunës në vend
• Lejoi marshimin e neo-nazistëve në Paris, Franca përballet me kritika