U shpall kampione bote në kick-boks, emocionon Lelo: Dua të jem shembulli më i mirë

Ilda Lelo kampione bote në kick boks për peshën 62.5 kg. Titulli WKU për femra është mbrojtur nga sportistja shqiptare e Flamurtarit, në pallatin e sportit në Vlorë, ndërsa ka mposhtur pas 5 raundesh sportisten turke Tugba Gyl Bozkya.

Në një pallat sporti ku nuk kanë munguar sportdashësit e shumtë, janë zhvilluar disa takime  kick boks të peshave te ndryshme ku gjkthçka më pas i ka lënë vendin ndeshjes për titull WKU në peshën 62.5 kg. Ilda Lelo ka fituar me pikë pas 5 raundesh  të zhvilluara, duke mbrojtur kështu për herë të  dytë titullin kampion bote

Emocionet kanë qenë të shumta në ring për vetë  sportisten  por edhe të pranishmit. Vetë Ilda Lelo është shprehur mes emocionesh, e lumtur për  arritjen.

“Shumë emocione, një natë shumë e veçantë, shumë e bukur, ndihem shumë krenare që jam pjesë e Flamurtarit, që jam një nga sportistet që përfaqësoj denjësisht Vlorën, Flamurtarin dhe gjithë Shqipërinë, shpresoj t”ju kem bërë të gjithëve krenar dhe do vazhdoj të punoj fort dhe të jap shembullin më të mirë si duhet të jetë një sportiste. Ky ishte titulli i dytë kampion bote, që unë mbroj dhe do punoj fort që të mos jetë i fundit”, tha Lelo.

Trajneri i Fight club Vlora, Alban Alikaj e ka cilësuar një mbrëmje të mrekullueshme dhe një arritje të madhe .

“Aktiviteti shkoi më së miri, bëmë më të mirën e mundur, pjesa më e madhe e sportistëve ishin të ardhur nga jashtë, pjesa tjetër nga Shqipëria, përpiqemi të bëjmë më të mirën për të promovuar sportin, për të promovuar qytetin , shtëpinë tonë”, tha Alikaj.

Në ring janë dhuruar emocione edhe në ndeshje të tjera si të Edi Shehaj dhe sportistëve të tjerë, ndërsa Gjyzeljano Jaskupi ka fituar tiullin WKU Albania.

LEXONI GJITHASHTU:

• Kick boksierja shqiptare shpallet kampione bote për të dytën herë
• VIDEO| Boksieri shqiptar fiton me knockout në Gjermani, feston me plis në kokë
• Flamurtari e nis mbarë, vajzat vlonjate mundin Partizanin në basketboll