U takua me Yuri Kim në selinë e PS, reagon Damian Gjiknuri

Sekretari i Përgjithshëm i Partisë Socialiste, Damian Gjiknuri, ka zbardhur fokusin e bisedës që ai pati në selinë rozë me ambasadoren amerikane në Tiranë Yuri Kim.

Përmes një postimi në facebook Gjiknuri zbulon se në takim u diskutua procesi zgjedhor i 14 majit.

Ai thekson se e garantoi ambaadoren për vendosmërinë e Partisë Socialiste për një proces zgjedhor në përputhje me standardet më të mira ndërkombëtare.

“Pata kënaqësinë të mikprisja në selinë e Partisë Socialiste ambasadoren e Shteteve të Bashkuara të Amerikës në Tiranë zonjën Yuri Kim. Zgjedhjet e ardhshme vendore të 14 Majit, situata aktuale politike në vend dhe rekomandimet e ODIHR-it pas procesit të fundit elektoral ishin në qendër të diskutimit. E garantova ambasadoren për vendosmërinë e Partisë Socialiste për të kontribuar aktivisht për një proces zgjedhor në përputhje me standardet më të mira ndërkombëtare. Si gjithnjë, Shtetet e Bashkuara të Amerikës mbeten në krah të Shqipërisë në përpjekjen për të garantuar zgjedhje të lira e të ndershme”, shkruan gjiknuri në facebook.