U vodhën 1 vit më parë në Barcelonë, gjenden pikturat 100-vjeçare të Salvador Dali

Policia spanjolle ka rikuperuar dy piktura 100-vjeçare të artistit surrealist Salvador Dali, që ishin vjedhur vitin e kaluar në një grabitje në Barcelonë.

Policia iberike ka deklaruar se ka arrestuar tre vëllezër të moshave 50, 53 dhe 55 vjeç dhe sekuestruar pikturat e bëra nga Dali në vitin 1922 për të ilustruar një libër.

Agjentët sekuestruan edhe vepra të tjera arti, të cilat mbajnë firmën e artistit tjetër spanjoll Joan Miro, si dhe orë të shtrenjta, monedha me vlerë dhe kartëmonedha.

Origjinaliteti i veprave të artit, dy peizazhe të errëta rurale të vizatuara mbi një letër bojëkafe, u verifikua nga Fondacioni Salvador Dali, që gëzon edhe të drejtat për menaxhimin e veprave të fundit të piktorit.

Ndërkohë, tre vëllezërit e arrestuar akuzohen nga policia katalanase për një seri grabitjesh, që kishin në shënjestër veprat e artit dhe koleksionet e monedhave antike.

LEXONI GJITHASHTU:

• VIDEO/ Një nga pikturat më të famshme në botë vandalizohet nga dy adoleshente
• Pasioni për pikturat nudo, vajza nga Korça që hedh në telajo imazhet bardh e zi