U zhvesh në shenjë proteste, gruaja iraniane është liruar pa akuza

Asnjë akuzë nuk është ngritur kundër gruas iraniane e cila është zhveshur përgjatë një proteste jashtë një universiteti në Teheran, ka thënë një zëdhënës i gjyqësorit, duke shtuar se ajo është liruar nga spitali dhe i është dorëzuar familjes.

“Duke marrë parasysh se ajo është dërguar në spital dhe është vërtetuar që është e sëmurë, ajo i është dorëzuar familjes që po kujdeset për të”, ka thënë zëdhënësi i gjyqësorit, Asghar Jahangir, në një konferencë për media më 19 nëntor. Ai ka thënë se “nuk është iniciuar asnjë rast gjyqësor ndaj studentes”.

Nuk është bërë e qartë nëse rasti është mbyllur përfundimisht.

Gruaja është identifikuar si Ahoo Bahari, studente e departamente të shkencave dhe kërkimit në Universitetin Teheren Azad.

Ajo është zhveshur në publik më 3 nëntor, si shenjë proteste para objektit të universitetit, dhe më pas është arrestuar.

Ende nuk dihen shkaqet e zhveshjes së saj, mirëpo dëshmitarët kanë thënë se ajo është ngacmuar nga zyrtarë të sigurimit të universitetit për atë që ajo ka pasur të veshur.

LEXONI GJITHASHTU:

• Trupat izraelite arrestojnë luftëtarët e Hamasit, videot ku shfaqen të zhveshur
• Të zhveshur brenda makinës, çifti i të rinjve në Itali gjenden të vdekur në garazh