“Uau, çfarë progresi!”, Kryeparlamentari Ghalibaf ironizon rrëzimin e avionit amerikan mbi Iran

Kryetari i parlamentit iranian, Mohammad Bagher Ghalibaf, ka ironizuar Shtetet e Bashkuara të Amerikës përmes një postimi në rrjetin social X, pas raportimeve për rrëzimin e një avioni luftarak amerikan mbi Iranin.

Në reagimin e tij, Ghalibaf përdori tone sarkastike, duke thënë se konflikti i nisur nga SHBA është degraduar nga synimet për “ndryshim regjimi” në një situatë ku kërkohen pilotët e humbur. Ai shtoi me ironi: “Uau. Çfarë progresi të jashtëzakonshëm. Gjeni absolute.”

Ndërkohë, më 31 mars, presidenti amerikan Donald Trump deklaroi se kishte ndodhur një ndryshim regjimi në Iran, duke e cilësuar udhëheqjen e re si më pak radikale dhe më racionale.

Aktiviteti i Ghalibaf në rrjetet sociale është rritur ndjeshëm së fundmi, me postime të shpeshta dhe përmbajtje ironike, ndërsa dalja e tij e fundit në televizionin shtetëror daton më 17 mars.

Ndërkohë, disa raportime të pakonfirmuara sugjerojnë se administrata amerikane mund ta konsiderojë Ghalibaf si një partner të mundshëm, madje edhe si një figurë të ardhshme drejtuese në Iran.