“Udhëtime të tepruara”, Ben Andoni-Ramës: Vendi drejtohet nga zyra

Analisti Ben Andoni u shpreh në një intervistë për Euronews Albania se nuk është e nevojshme që një kryeministër të udhëtojë shumë shpesh, kur në vendin e tij ka shumë probleme që presin zgjidhje.

Andoni tha se vendi po drejtohet në mënyrë kaotike dhe nuk ka një model ekonomik të përcaktuar.

“Është e drejtë e opozitës ku gjen elementë të bëjë opozitë. Ky vend drejtohet në mënyrë shumë kaotike dhe nuk një model sesi drejtohet. Ne jemi shumë të varur nga bota. Nuk kemi një model ekonomik të përcaktuar. Unë personalisht e lidh me këtë, që brezi i tyre, këtu do të përmend Berishën, Nanon, Topallin, Bashën udhëtonin pafund, ka një lloj inercie që nga koha e komunizimit ku ne kemi qenë të izoluar që ne duhet të dalim pafund. Në rastin e Ramës kjo është e tepruar, vendi drejtohet në zyrë. Nuk mund të jetë pjesë e medias çdo tryeze të kryeministrit”, u shpreh gazetari.

LEXONI GJITHASHTU:

• “Fiton 5 fishin”, thirrja e Ramës: Punoni tokat, mos u largoni nga vendi
• Tokat shtet mbeten djerrë, s’ka interes për qiramarrjen
• Ukraina thirrje Iranit: Mjaft dërguat armë në Rusi