UEFA| Mini-turnetë e Kampionatit Europian U-17 dhe U-19 do të zhvillohen në Shqipëri

Raundi i parë i kualifikueseve të EURO U-17 & U-19 për vajza do të zhvillohet në Shqipëri. Ky ishte vendimi që mori UEFA që të dyja këto mini-turne të zhvillohen në Shqipëri dhe organizimi i dy kompeticioneve europianë i është besuar sërish FSHF-së.

Ekipet Kombëtare U-17 dhe U-19 për vajza njohën në muajin qershor emrat e skuadrave rivale në raundin e parë të kualifikueseve të vlefshme për Kampionatin Europian 2024-2025.

Shqipëria U-17 është pjesë e grupit B4 dhe përballë do të ketë Kosovën dhe Izraelin, ndërsa Kombëtarja U-19 është shortuar në të njëjtin grup me Bjellorusinë, Malin e Zi dhe Moldavinë në grupin B1.

Ndeshjet e vlefshme për raundin e parë të Kampionatit Europian për vajzat e grupmoshës U-17 do të luhen në datat 30 tetor, 2 dhe 5 nëntor 2024. Ndërsa takimet e vlefshme për raundin e parë të Kampionatit Europian për vajzat e grupmoshës U-19 do të luhen në datat 27, 30 nëntor dhe 3 dhjetor.

LEXO GJITHASHTU:

• Kampionati i badminton në Korçë, marrin pjesë 30 sportistë vendas dhe të huaj
• Skënderbeu gati për sezonin e ri, kush janë dy emrat e rinj që i bashkohen skuadrës