UEFA mund të dëbojë Barcelonën nga kupat e Evropës, shkak një skandal i madh 

Një gjykatë në Spanjë ka ngritur aktakuzë ndaj Barcelonës për korrupsion dhe nëse vërtetohet se vërtet kështu ka qenë dhe klubi nga “Camp Nou” shpallet fajtor, lehtë mund të ndodhë që katalanasit të mbeten pa pjesëmarrje në kupat e Evropës.

Statuti i UEFA-s që merret me rregullat për pjesëmarrjen në Ligën e Kampionëve, Ligën e Evropës dhe Ligën e Konferencave në paragrafin G të nenit 4 thotë se asnjë ekip që është i përfshirë në veprimtari të paligjshme nuk mund të performojë në skenën ndërkombëtare.

Autoritetet hetimore në Spanjë dyshojnë se Barcelona i ka paguar miliona nga viti 2001 deri në vitin 2018 një kompanie në pronësi të zv. presidentit të komitetit spanjoll të arbitrave, Jose Maria Enriquez Negreiri.

Më të kontestuara janë pagesat në periudhën nga viti 2014 deri në vitin 2018, në të cilat në llogarinë e Negreirit janë derdhur rreth tre milionë euro, raportojnë mediat botërore.

LEXONI GJITHASHTU:

• UEFA publikon renditjen për klubet evropiane, kryeson Manchester City
• UEFA fiton gjyqin kundër klubeve që kërkojnë të nisin Superligën