Ugur Sahin: Nevojitet krijimi i një vaksine të re

Ugur Sahin, shefi ekzekutiv i BioNTech, kompania që krijoi vaksinën e parë kundër Covid-19 së bashku me kompaninë Pfizer, tha se ndoshta do të jetë e nevojshme një formulë e re deri në mesin e vitit 2022, për të mbrojtur njerëzit kundër mutacioneve të ardhshme të virusit

Të dhënat e deritanishme paraqesin se variantet aktuale të COVID-19 nuk janë aq të ndryshme sa të zhvlerësojnë vaksinat aktuale.

Megjithatë, kreu i BionTech thotë se në të ardhmen, do të shfaqen lloje të reja mutacionesh që mund të jenë shumë më problematike.

“Krijimi i një vaksine të re këtë vit është diçka krejtësisht e panevojshme, por nga mesi i vitit të ardhshëm, mund të krijohet një situatë tjetër. Ky është një evolucion i vazhdueshëm, dhe ai sapo ka filluar. Ky virus do të qëndrojë me ne dhe do të përshtatet edhe më tepër me mjedisin” tha Ugur Sahin.