Presidenti i Ukrainës, Volodimir Zelenski dorëzoi të hënën dokumentin me përgjigjet e pyetësorit për anëtarësimin e vendit në Bashkimin Evropian.
Ambasadori i Bashkimit Evropian në Ukrainë, Matti Maasikas tha ishte i nderuar që mori nga presidenti Zelenski përgjigjet e pyetësorit të Komisionit Evropian.
“Një tjetër hap në rrugën e Kievit drejt anëtarësimit në Bashkimin Evropian”, u shpreh Maasikas përmes një postimi në rrjetet sociale, teksa ndau fotot ku Zelenski i dorëzonte dokumentin.
Komisioni Evropian do të shqyrtojë përgjigjet e dhëna në pyetësor dhe do të nxjerrë një opinion nëse Ukrainës duhet t’i jepet statusi i vendit kandidat.
Më pas, do t’u mbetet liderëve të 27 shteteve anëtare që të miratojnë statusin e Ukrainës si vend kandidat përpara se të kalojë në fazën tjetër, në të cilën Kievit do t’i duhet të harmonizojë proceset e tij sociale, ligjore, administrative dhe financiare me atë të BE-së.
Ukraina nisi procedurat për të aplikuar për anëtarësimin në BE pas pushtimit nga Rusia.
Another step on Ukraine’s EU path. Honoured to receive from @ZelenskyyUa the answers to @EU_Commission questionnaire, handed over by @vonderleyen only 10 days ago. Extraordinary times take extraordinary steps and extraordinary speed. @Denys_Shmyhal @StefanishynaO @AndriyYermak pic.twitter.com/UaNPOrhPST
— Matti Maasikas (@MattiMaasikas) April 18, 2022
LEXONI GJITHASHTU
