Ukraina fundos anijen ruse, sulm me dronë në Detin e Zi, shkatërrohet ‘Sergej Kotov’

Ukraina pretendon se ka sulmuar dhe fundosur një tjetër luftanije ruse në detin e Zi. Shërbimi sekret ushtarak publikoi një video që tregon se si anija patrulluese “Sergej Kotov” goditet disa herë nga dronët nënujorë.

Pamjet tregojnë mjetin e pilotuar në distancë që godet anijen ruse, si dhe shpërthimet dhe zjarrin që bien në bord. Videoja nuk është verifikuar në mënyrë të pavarur dhe Moska nuk e ka komentuar ngjarjen.

Në një deklaratë në rrjetin social “Telegram”, shërbimi ukrainas i inteligjencës deklaroi se anija ishte goditur pranë urës së Kerçit, nga dronët e llojit “Magura V”, të prodhuar nga Ukraina dhe të përdorur në sulme të tjera ndaj flotës ruse.

Ndërkohë, porti ukrainas i Odesës u gjend nën një sulm intensiv ajror rus gjatë natës. Autoritetet deklaruan se 22 dronë kishin goditur gjithashtu ndërtesat dhe zonat industriale të qytetit. Nga sulmi nuk pati viktima, pasi shumica e avionëve u rrëzuan nga sistemet ukrainase të mbrojtjes ajrore.