Ukraina godet qendrën e komunikimi satelitor të Rusisë në Moskë

Forcat e armatosura ukrainase njoftuan sot se kryen një sulm kundër qendrës së komunikimit satelitor të Rusisë në rajonin e Moskës.

Sipas Shtabit të Përgjithshëm të Ukrainës, pas sulmit u vu re tym i dendur në objekte, ndërsa po bëhet një vlerësim i shkallës së dëmit.

Nuk pati asnjë koment të menjëhershëm nga Rusia mbi njoftimin e Ukrainës, ndërsa informacioni rreth pasojave të sulmit nuk është konfirmuar ende nga burime të pavarura.

Kjo qendër konsiderohet e rëndësishme për komunikimet satelitore dhe infrastrukturën ushtarake të Rusisë, ndërsa lufta midis dy vendeve vazhdon me sulme ndaj objektivave strategjikë nga të dyja palët.