Ukraina mbetet pa energji, Rusia rrafshon infrastrukturën energjetike të 6 rajoneve

Rusia ndërmori një valë të re sulmesh ndaj infrastrukturës energjetike të Ukrainës, duke lënë të paktën 3 të plagosur në Kiev dhe 90% të qytetit të Lvivit pa energji.

Presidenti Volodymyr Zelensky deklaroi në fjalimin e tij të përditshëm se Rusia vetëm sa po e fut veten në një rrugë pa krye, pasi me sulme të tilla ka gjithnjë e më pak raketa.

Sinkron Volodymyr Zelensky, president i Ukrainës:

“Aktualisht ka ndërprerje të energjisë në shumicën e rajoneve të Ukrainës. Më e vështirë situata paraqitet në Kiev, Lviv, Odesa, Kherson dhe disa rajone të tjera të vendit”.

Zelensky tha se forcat e armatosura ukrainase rrëzuan 54 raketa, ndërsa forcat ajrore bënë të ditur se kishin rrëzuar 11 dronë iranianë. Ndërkohë, shpërthime u raportuan në Kharkiv.

Më shumë se 25 mijë kilometra rrugë të vendit janë dëmtuar nga lufta, sipas Andriy Ivko, nëndrejtor i agjencisë kombëtare të rrugëve.

Ndërkohë, qeveria bjelloruse i dërgoi një notë proteste ambasadorit ukrainas pas njoftimit se kishte rrëzuar një raketë ukrainase në territorin e saj.

LEXONI GJITHASHTU:

• Shpërthim i fuqishëm në një restorant në Turqi, 7 viktima
• Hiqen barrikadat, hapen pikat kufitare në Jarinje dhe Bërnjak
• Fluks i shtuar në Rinas, Balluku: Terminali i ri ka bërë që të mos ketë radhë