Ukraina përdor për herë të parë avionët francezë “Mirage”, zmbraps sulmin masiv rus

Rusia ndërmori gjatë natës një sulm masiv në Ukrainë që kishte si objektiv industrinë e nxjerrjes së gazit. Sipas BBC në sulm u përdorën 67 raketa dhe 194 dronë. Nga këto, 33 raketa lundrimi, një raketë Kh-59/69 dhe 100 dronë u rrëzuan, sipas deklaratës së forcave ajrore ukrainase.

Për të zmbrapsur këtë sulm, u përdorën avionë F-16 dhe Mirage 2000. Ky ishte përdorimi i parë i avionëve francezë Mirage-2000 pas mbërritjes së tyre në Ukrainë një muaj më parë.

F-16, të furnizuara nga shtetet evropiane, dhe Mirage-2000 janë përdorur për të luftuar kundër sulmeve ajrore ruse dhe për të mbrojtur infrastrukturën energjetike të vendit.

Avionët janë të aftë të përdorin një kombinim të raketave ajër-ajër dhe armëve të tjera në bord për të rrëzuar kërcënimet ajrore, duke përdorur radarët e instaluar në bord për të zbuluar objektivat. Megjithatë, ende nuk ka informacione të detajuara për shkatërrimet e shkaktuara nga këto avionë, por F-16 tashmë kanë arritur të rrëzojnë raketa lundrimi dhe dronë, duke mbështetur mbrojtjen ajrore ekzistuese të Ukrainës.

LEXONI GJITHASHTU:

• Lavrov: Retorika e Macron kërcënim për Rusinë, dëshiron të njëjtën gjë si Hitleri 
• Macron: Rusia kërcënon gjithë Evropën, duhet të jemi të përgatitur nëse SHBA nuk…