Ukraina ka publikuar një video që pretendon se tregon trupat e Koresë së Veriut të stacionuara në Rusi, raportoi Euronews.
Publikimi i videos vjen pas pretendimeve të kreut të inteligjencës ushtarake të Ukrainës se rreth 11,000 këmbësorë koreano-veriorë po stërviten aktualisht në Rusinë lindore.
Zyrtarët ukrainas kanë publikuar një video që supozohet se tregon dhjetëra ushtarë të Koresë së Veriut duke mbledhur pajisje ushtarake ruse, e cila sipas tyre tregon dislokimin e trupave të dërguara nga Pheniani në konflikt.
Exclusive – Newly obtained footage from Russia’s Sergievsky Training Ground showing North Korean troops being outfitted in Russian gear in preparation for deployment to Ukraine. pic.twitter.com/01Z4jZIiOe
— SPRAVDI — Stratcom Centre (@StratcomCentre) October 18, 2024
Videoja, e publikuar nga Qendra e Ukrainës për Komunikime Strategjike dhe Siguri të Informacionit, e cila operon nën Ministrinë e Kulturës dhe Informacionit, supozohet se tregon ushtarët e Koresë së Veriut që rreshtohen për të mbledhur çanta, rroba dhe veshje të tjera nga ushtarët rusë.
“Ne e morëm këtë video nga burimet tona. Nuk mund të japim verifikim shtesë nga burimi që na e dha për arsye sigurie”, tha kreu i qendrës Ihor Soloway.
LEXONI GJITHASHTU:
- Presidenti Biden viziton Gjermaninë, Ukraina në fokus të axhendës
- Koreja e Veriut, një kërcënim në rritje për Ukrainën dhe botën
