Ukraina shënon Ditën e Pavarësisë mes frikës nga një sulm rus

Ndërsa ukrainasit shënojnë Ditën e Pavarësisë, presidenti i vendit Volodymyr Zelensky ka lëshuar një paralajmërim të ri për sulme të mundshme ruse.

Në fjalimin e tij të zakonshëm vonë natën, ai tha se Ukraina po feston “ditën e flamurit” ndërsa “lufton kundër kërcënimit më të frikshëm për shtetësinë”, shkruan BBC.

Ai u bëri thirrje njerëzve të ndjekin rregullat e sigurisë në qytete si Kievi dhe Kharkiv, duke përfshirë shtetrrethimin dhe sirenat e sulmeve ajrore.

“Sot është një ditë e rëndësishme për të gjithë ne. Dhe kjo është arsyeja pse kjo ditë, për fat të keq, është gjithashtu e rëndësishme për armikun tonë”, tha ai.

“Ne duhet të jemi të vetëdijshëm se sot provokimet e shëmtuara ruse dhe sulmet brutale janë të mundshme. Forcat e Armatosura të Ukrainës, inteligjenca jonë, shërbimet speciale do të bëjnë gjithçka për të mbrojtur njerëzit – sa më shumë që të jetë e mundur. Dhe ne me siguri do t’i përgjigjemi çdo manifestimi të terrorit rus”, u shpreh presidenti i Ukrainës.

Zelensky gjithashtu përshkroi disa nga aktivitetet e planifikuara për të shënuar festën kombëtare, duke përfshirë çmime për njerëzit “nga të gjitha sferat e jetës” që kanë ndihmuar në përpjekjet e luftës.

LEXONI GJITHASHTU:

• Kievi po ripopullohet, thotë qytetarja ukrainase
• Rusia akuzon Kievin për helmimin e disa prej ushtarëve të saj në Ukrainë