Prej 24 shkurtit kur nisi operacioni ushtarak i Rusisë, Ukraina vazhdon t’i rezistojë pushtimit të plotë.
Jo vetëm kaq, por Ukraina duket se ka arritur që për herë të parë t’i kundërpërgjigjet me sulm Rusisë.
‘Sky News’ ka publikuar disa pamje ku tregohen helikopterë të Ukrainës duke bombarduar depo të naftës në Belgorod.
Video of the two Ukrainian Mi-24 helicopters striking the oil storage facility in Belgorod with rockets. https://t.co/4Lt5l1Xc3S pic.twitter.com/d5zj4GWjou
— Rob Lee (@RALee85) April 1, 2022
Nëse këto pamje do të verifikohen si të vërteta, atëherë kjo do të ishte një goditje e rëndë simbolike ndaj Rusisë pasi e gjitha shihet si një turpërim për Moskën.
Një raportim i tillë deri tani është konfirmuar nga guvernatori rajonal, Vyacheslav Gladkov, i cili tha se mjetet ushtarake ajrore kanë kaluar kufirin dhe nga bombardimet kanë mbetur dy punonjës të plagosur.
Gjithashtu në disa zona është bërë dhe evakuim i njerëzve për t’i paraprirë ndonjë sulmi tjetër të mundshëm.
Në mënyrë simbolike, ky incident mund të jetë një arsye për të festuar në Ukrainë.
Ekspertët shprehen të surprizuar me dështimin e forcave të Putinit për të dominuar të paktën luftën në ajër.
Nëse konfirmohet, ky do të ishte sulmi i parë ajror në territorin e Rusisë që prej Luftës së Dytë Botërore.
Fire at the fuel depot in Belgorod, #Russia. Three days ago the ammunition storage exploded there. Belgorod is located only 50 miles from Kharkiv, #Ukraine. pic.twitter.com/3XLS9yMAhJ
— Ostap Yarysh (@OstapYarysh) April 1, 2022
LEXONI GJITHASHTU:
- Të shtohen panelet diellore për të reduktuar varësinë nga gazi rus, thotë BE-ja
- Britania e Madhe vendos sanksione ndaj mediave ruse
