Ukraina thotë se po i shkakton Rusisë viktima të konsiderueshme në Donbas

Ukraina thotë se ushtria e saj po u bën rezistencë të ashpër forcave ruse që përpiqen të avancojnë në rajonin lindor të Donbasit, duke i shkaktuar humbje të konsiderueshme ushtrisë së Moskës.

Kreu i administratës ushtarake të rajonit të Luhanskut, Serhiy Hayday, u shpreh se luftëtarët ukrainas po bëjnë rezistencë të ashpër, shkruan CNN.

“Ne po frenojmë armikun në kufirin e rajonit të Luhanskut dhe rajonit të Donetskut, pushtuesit po pësojnë humbje të konsiderueshme, siç e pranojnë ata vetë,” theksoi Hayday.

Sipas tij, focat ruse kanë pësuar humbje të mëdha, teksa shtoi se ata kanë më shumë armatime, por ushtarët ukrainas janë më të përgatitur e të motivuar.

Pak ditë më parë, Rusia deklaroi se kishte marrë kontrollin e plotë të rajonit lindor ukrainas të Luhansk të dielën pasi pushtoi qytetin e Lysychansk.

Marrja nën kontroll e këtij rajoni, është një fitore politike për Kremlinin dhe e zhvendos fokusin e fushëbetejës në rajonin fqinj të Donetsk, ku Kievi ende kontrollon pjesë të territorit.

LEXONI GJITHASHTU

• Guvernatori i rajonit të Donetsk thirrje banorëve të largohen, shkak luftimet
• Forcat ruse marrin nën kontroll rajonin e Luhanskut