Ukraina vret shefin e centralit bërthamor të Zaporizhias

Shërbimi sekret ushtarak i Ukrainës ka marrë përsipër vrasjen e shefit të sigurisë në centralin atomik të Zaporizhias.

Agjencia postoi në kanalin e saj në rrjetin “Telegram”, duke treguar një makinë që shpërthente. Orë më vonë, Komiteti Investigativ Rus konfirmoi vdekjen e Andrei Korotkij.

Pala ukrainase shtoi se zyrtari ishte një kriminel lufte dhe kishte bashkëpunuar vullnetarisht me Moskën pasi kjo e fundit mori nën kontroll centralin në javët e para të luftës.

Ndërkohë, të paktën 3 persona, përfshirë një vajzë 6-vjeçare, mbetën të vrarë kur ushtria ruse goditi një makinë që transportonte gaz të lëngshëm në fshatin verior të Hirskut.

Autoritetet lokale deklaruan se sulmi bëri që cilindrat e gazit të shpërthenin, duke shkaktuar një zjarr që përfshiu edhe disa shtëpi.

Ndërsa në lindje të Ukrainës, banorët e lokalitetit Pokrovsk nisën riparimin e shtëpive pasi gjatë natës bombardimet ruse shkaktuan dëme të mëdha dhe plagosën 4 persona.

Konkretisht, ushtria ruse hodhi 6 bomba duke dëmtuar një godinë shumëkatëshe, tre shtëpi dhe një dyqan.

• Ushtria amerikane godet 15 objektiva të grupit “Huthi” në Jemen
• Zelensky i viziton trupat ukrainase në kufi me rajonin rus