Ukrainasja rrëfen tmerrin e luftës: Mund të përsëritet edhe në vendet tuaja

Aktivistja nga Ukraina, Snezhana Polyanska në një lidhje ‘live’ me emisioni ‘Sot’ rrëfeu situatën e vështirë që po kalon vendi i saj pas nisjes së pushtimit nga Rusia.

Nga bodrumi ku është strehuar për t’i shpëtuar sulmit rus dhe për të mbrojtur fëmijën e saj, ajo tregoi se ka humbur njerëz të njohur nga bombardimet që vazhdojnë prej 2 ditësh.

Duke kërkuar që mediat të përcjellin faktin se sa shumë serioze është situata në Ukrainë, ajo paralajmëroi për rrezikun që mund të kanosë çdo vend, ashtu siç ndodhi me vendin e saj.

“Është Lufta e Tretë Botërore, por është ndryshe dhe popujt duhet të qëndrojë krah njëri-tjetrit, pasi kjo që po ndodh në Ukrainë mund të përsëritet në çdo vend tjetër”, tha ajo.

Aktivistja tregoi se kishte refuzuar të largohej nga vendi për shkak të kaosit të krijuar nëpër rrugë nga frika e bombardimeve, por shtoi se të gjithë ata që po i drejtohen kufirit, po e bëjnë këtë për të siguruar fëmijët dhe afërmit e më pas kthehen sërish për të mbrojtur Ukrainën.

LEXONI GJITHASHTU:

• Vuçiç: Mbështesim integritetin e Ukrainës, po nuk i vëmë sanksione Rusisë
• Ukrainasit e larguar nga lufta mirëpriten me ushqime në kufirin e Polonisë