Ukrainë: 35,000 familje në Odessa mbeten pa energji elektrike pas sulmeve ruse

Rreth 35,000 familje kanë mbetur pa energji elektrike në rajonin jugor të Ukrainës, Odessa , pas një sulmi me dron rus, tha sot kompania e energjisë elektrike DTEK, duke përmendur dëme të rënda.

“Rivendosja e furnizimit me energji elektrike do të kërkojë kohë”, thuhet në deklaratë.

Në qytetin e Odesës, sulmi goditi objektet e infrastrukturës dhe një ndërtesë apartamentesh, tha kryebashkiaku Sherhi Lisak nëpërmjet Telegram. Sipas tij, dy persona u plagosën.

Për shkak të sulmeve të rënda ajrore ditët e fundit, praktikisht nuk ka energji elektrike në kryeqytetin Kiev, Dniepër, Odesa dhe qytete të tjera në Ukrainë. Si rezultat, ka probleme me ngrohjen dhe furnizimin me ujë. Në të njëjtën kohë, mbizotërojnë kushte ngrirjeje, me temperatura natën që bien në minus 18 gradë Celsius. Situata është jashtëzakonisht e vështirë për miliona njerëz.

Forcat Ajrore Ukrainase thanë se kanë kapur 135 nga 156 dronë rusë të lëshuar gjatë natës, në një sulm relativisht në shkallë më të vogël krahasuar me ato të javëve të fundit. Megjithatë, sipas Forcave Ajrore.