Të paktën 30 persona, duke përfshirë tre fëmijë, janë plagosur pasi një bombë e lëshuar nga Rusia, e cila goditi një ndërtesë të lartë në Kharkiv në Ukrainën verilindore.

Sipas mediave të huaja, bomba shkaktoi një zjarr në ndërtesën e banimit, thanë zyrtarët lokalë në Telegram.

Kharkivi, një nga qytetet më të mëdha të Ukrainës dhe një qendër kryesore industriale, ndodhet pranë kufirit rus dhe është vazhdimisht nën sulm nga bombat, raketat dhe dronët rusë.

“Operacioni i shpëtimit në Kharkiv vazhdon. Ishte një sulm ajror rus,” tha presidenti ukrainas Volodymyr Zelenskyy në një përditësim në mediat sociale.

“Është dëmtuar një ndërtesë e zakonshme banimi, një ndërtesë shumëkatëshe. Ka zjarr dhe rrënoja mes katit të 9-të dhe 12-të”, shtoi ai.

“Dhe bota duhet të ndihmojë në mbrojtjen e Ukrainës nga avionët ushtarakë rusë, nga dhjetëra bomba të drejtuara që marrin jetën e ukrainasve çdo ditë. Ky terror mund të ndalet”, tha ai më tej.

LEXONI GJITHASHTU:

• Me thika e bomba, ja si planifikonin të dyshuarit të sulmonin fansat e Taylor Swift
• Izraeli bombardon dy shkolla në Gaza, vriten 15 persona