Ukrainë, të paktën 10 të vrarë nga sulmi rus në një ndërtesë banimi në Kharkiv

Të paktën 10 persona u vranë kur Rusia goditi një ndërtesë banimi pesëkatëshe në qytetin verilindor ukrainas të Kharkivit me një raketë balistike, thanë zyrtarët lokalë më 8 mars, duke nxitur një thirrje të zemëruar nga presidenti Volodymyr Zelensky që partnerët perëndimorë të veprojnë.

“Që nga rënia e natës, [ekipet e shpëtimit] po çmontojnë rrënojat e një ndërtese banimi në Kharkiv pas një sulmi me raketë balistike ruse”, tha Zelensky në Telegram.

“Hyrja u shkatërrua, katet e sipërme të një ndërtese fqinje u dëmtuan… Mund të ketë ende njerëz nën rrënoja. Të gjitha shërbimet e nevojshme janë në vend për operacionet e shpëtimit”.

Zyrtarët thanë se dy fëmijë ishin në mesin e të vrarëve nga sulmi.

AFP-ja tha se gazetarët e saj panë ekipet e shpëtimit duke kërkuar mes rrënojave, ku besohej se disa njerëz kishin mbetur të bllokuar.