Ulen me 50% aksionet e 4 kompanive më të mëdha të kanabisit në botë

Shqipëria po shkon drejt legalizimit të kanabis për qëllime mjekësore, por aksionet e kompanive që investojnë në këtë fushë kanë rënë

Stoqet e kompanisë Trulieve, e cila ka kapitalin më të madh në këtë treg prej 4.9 miliardë USD janë zhvlerësuar me 53% vitin e fundit.

Po aq janë zhvlerësuar dhe ato të firmës Curaleaf. GreenThumb dhe Tilray kanë një ulje prej 35% dhe 67%.

Pavarësisht zhvlerësimit të aksioneve, shitja e kanabisit në rang global është rritur nga 23.7 miliardë USD në 2020-n në 29.4 miliardë USD në fund të vitit të shkuar.

Të dhënat e agjencive që vlerësojnë këto tregje tregojnë se peshën më të madhe të shitjeve në tregun e ligjshëm e ka kanabis për përdorim personal.

Çmimi mesatar i një grami të lules së kanabis që përdoret për qëllime mjekësore arriti në 9 USD vitin e shkuar.

Tendencat e shitjes së kanabis të legalizuar vlerësohen të kapin një treg prej 36 miliardë USD këtë vit, për të arritur në 50 miliardë USD në 2025-n.

Pavarësisht kësaj, agjencitë ligjzbatuese vlerësojnë se tregu informal i shitjes së kësaj bime është 13 herë më i madh duke zënë një volum prej 400 miliardë USD.

LEXONI GJITHASHTU:

Berisha: Legalizimi i kanabisit, akt antikombëtar i Edi Ramës

Spartak Ngjela pro legalizimit të kanabisit mjekësor