Ulen rastet me grip, mjekët: Simptomat mund të zgjasin nëse nuk mbahet regjim

Në dyert e mjekëve të familjes numri i pacientëve me grip dhe viruse stinore ka ardhur në rënie ditët e fundit.

Fëmijët janë ata që janë prekur më shumë nga kjo valë infektimesh. Mjekët referojnë se ndërsa shifrat bien, problem mbetet klinika e sëmundjes, e cila jo në rrallë herë zgjat shumë në kohë.

Në disa pacientë gripi ka zgjatur për disa javë. Për këtë situatë mjekët fajësojnë qytetarët që nuk kanë zbatuar regjimin e diktuar prej tyre për pushim dhe ushqim të mirë.

Edhe më e lehtë ka qenë klinika e sëmundjes tek të vaksinuarit.

260 mijë vaksina kundër gripit stinor u vunë në dispozicion të kategorive në risk. Aplikimi I vaksinës falas u bë në qendrat shëndetësore. Sipas të dhënave të Institutit të Shëndetit publik kjo vaksinë u aplikua në masën mbi 80%.