Ulja e TVSH për bujqësinë, prodhuesit shqiptarë e kundërshtojnë: Deformohet principi

Ulja e tatimit mbi vlerën e shtuar të produkteve bujqësore hasi në kundërshti nga operatorët prodhues shqiptarë. Kjo sepse sipas tyre, u deformua thellë principi i tatimit mbi vlerën e shtuar.

Në vitin 2017 qeveria socialiste e rriti TVSH në 20%, por në vitin 2019, ajo shkoi sërish 6%. TVSH 6% sipas prodhuesve dhe përpunuesve shqiptarë disavantazhon produktet shqiptare pasi tregtarët nëpërmjet auto-faturimit të produktit të blerë nga fermeri, u njihet vetëm 6% TVSH.

Pra, nëse e blejnë një produkt 100 lekë, tatimi që shteti rimburson është 6%, vetëm 6 lekë dhe në rast se e shesin po 100 lekë, ata duhet të paguajnë 20% TVSH, pra 20 lekë, pra një humbje 14% më shumë që në burim.

Përveç kësaj nëse vendosin që çmimin ta rrisin në 150 lekë, tregtarët duhet të paguajnë edhe 20% tatim të vlerës së shtuar, pra 6 lekë të tjera.

Kjo skemë tatimi sipas përpunuesve, 6% në hyrje dhe 20% në dalje do të deformojë rëndë tregun.

Nga ana e qeverisë ministrja e Financave, Anila Denaj në Ilva Now është shprehur se kjo skemë sërish ka rritur prodhimtarinë.