Ulje dënimi dhe amnisti, zbardhet dosja hetimore për punonjësit e burgut të Fierit

Euronews Albania siguron dosjen hetimore me paligjshmëritë në burgun e Fierit, për të cilët Gjykata e Tiranës caktoi dje masën “arrest shtëpie” për 18 punonjës e ish-punonjës.

Në dosjen hetimore nënvizohet se punonjësve dhe ish-punonjësve të këtij burgu, 28 të dënuarve u kanë dhënë ditë pune në mënyrë fiktive.

Ndërkohë, në shkelje të ligjit, një të dënuari i është dhënë amnisti pas asnjë dokument referues.

Sakaq, janë konstatuar 19 shkelje për ulje të dënimit pa fakte apo rrethana.

Shkeljet sipas hetuesve:

• 19 raste vlerësime sjellje për ulje dënimi janë pasqyruar fakte dhe rrethana të rreme në lidhje me procesin e rehabilitimit e të dënuarve;
• 6 raste vlerësim sjellje për lirim me kusht janë pasqyruar fakte dhe rrethana të rreme në lidhje me procesin e rehabilitimit e të dënuarve;
• 28 të dënuarve u janë dhënë ditë pune në mënyrë fiktive nga IEVP Fier, nëpërmjet falcifikimit të dokumenteve ose shpërdorimit të detyrës e kryer nga punonjës të IEVP Fier:
• 1 rast i të dënuarit që ka përfituar amnisti, për të cilën nuk ka asnjë dokument referues për dhënien e amnistisë.
• Njësia tregtare brenda institucionit IEVP Fier nuk ka përmbushur detyrimet që lindin nga kontrata e qirasë për t’u pajisur me aparat matës të energjisë elektrike dhe të ujit të pijshëm, duke sjellë për pasojë dëm në buxhetin e IEVP, (vërtetuar dhe verifikuar nga organet FSHU se nuk ka aparat matës të energjisë elektrike).

LEXONI GJITHASHTU:

• ‘Furtunë’ në burgun e Fierit, 18 punonjës nën akuzë për shpërdorim detyre
• Yuri Kim thërret në takim Jorida Tabakun dhe Etilda Gjonajn
• “Presion”, Ngjela komenton takimin mes Yuri Kim dhe Ilir Metës