UN Women: Përfundon nisma e rritjes së ndërgjegjësimit për barazi gjinore

UN Women, zyra e organizatës së Kombeve të Bashkuara për barazi gjinore dhe fuqizimin e grave në Shqipëri, ka perfunduar një nismë artistike për rritjen e ndërgjegjësimit për barazi gjinore.

Breaking gender stereotypes in🇦🇱through #MuralsForEquality @unwomeneca initiative on the road to GEF #Paris

A family portrait of #GenerationEquality who are building an equal future by sharing the care at home.

🙌Excellent job Franko & thanks @BashkiaTirane for the support. pic.twitter.com/aQwUCBkJCU

— UN Women Albania (@unwomenalbania) June 18, 2021

Sipas informacioneve nga “UN Women”, prej më shumë se një muaji, në bashkepunim edhe me Bashkinë Tiranë është punuar për realizimin e një murali për barazinë gjinore në një nga godinat e Qytetit Studenti.

Muralen e ka realizuar artisti Franko Dine dhe vepra ka të bëjë me rolet gjinore në shoqëri dhe ndarjen e kujdesit dhe punëve në familje.

Gjithashtu ky artist i murales me slogan “Stronger Together” (“më të fuqishëm së bashku”) ka qenë pjesë e veprave të tjera të realizuara përgjatë muajit maj si pjesë të kësaj nisme.

“Familjet e kohëve të sotme, nuk duhet të kenë role të ndara gjinore!” – ky është mesazhi që shoqëron këtë murale dhe nismë të ndërgjegjësimit për barazi gjinore.

Ndërkohë theksojmë se kjo murale është pjesë e projektit “Murale për Barazi” #MuralsForEquality, të nisur nga zyra rajonale e UN Women, ku artistë nga Shqipëria, Moldavia, Kosova, Turqia dhe Gjeorgjia, realizojnë murale me këtë tematikë.

Pas përfundimit të këtyre muraleve ato do të prezantohen në Forumin global Brezi i Barazisë që zhvillohet në Paris nga data 30 qershor deri më 2 korrik.