“Unë e dua Shqipërinë”, fëmijët në Kolonjë vishen kuq e zi në prag të festave

Parada e vogëlushëve të vegjël të kopshteve të qytetit të Ersekës dhe gjimnazistët e shkollës së mesme “Petro Nini Luarasi” i ka dhënë gjallëri sheshit “Rilindja”, teksa flamuri shqiptar dhe veshjet kuq e zi por edhe ato tradicionale sillnin nota festive.

Për nënkryetaren e bashkisë Kolonjë fëmijët janë ata të cilët çelin nisjen e dhjetra aktiviteteve që do të organizohen në kuadër të festave të 28-29 Nëntorit.

“Jam krenare të shikoj entuziazmin e brezave të rinj që janë krenar për origjinën e tyre aq më tepër në këtë shesh të rilindjes, po shoh një atmosferë fantastike nëpërmjet përkushtimit të mësuesve, shkollave, arsimit parashkollor gjithashtu por patjetër e ndikimi i drejtorisë së zhvillimit të fëmijëve ka dhënë këtë produkt që ka mbledhur gjithë qytetin”,-Ristana Gjergjo, nënkryetare e Bashkisë Kolonjë.

Parada vazhdoi me tej me ekspozitën me piktura të krijuara nga vetë fëmijët dhe këngët e kënduara nga talentet e shkollave të këtij qyteti.

LEXONI GJITHASHTU:

• Si priten Festat e Nëntorit në Durrës
• Shqipëria në Evropian, shpërthen festa në sheshin “Skënderbej”