Policia në Gjermani ka arrestuar një person të dyshuar për vrasjen e tre personave në një sulm me thikë mbrëmjen e së premtes në qytetin perëndimor të Solingen.
“Njeriu që me të vërtetë po kërkonim gjatë gjithë ditës, sapo u arrestua,” tha Herbert Reul, ministri i brendshëm i shtetit të Rhine-Westphalia, për TV publik ARD të shtunën vonë.
Reul nuk dha detaje të tjera, por faqet e lajmeve Bild dhe Spiegel raportuan se i dyshuari ishte dorëzuar.
Gazeta e përditshme Bild tha se burri ishte i mbuluar me gjak kur iu afrua oficerëve pak pas orës 23:00 me orën lokale dhe tha: “Unë jam ai që po kërkoni”.
Ai thuhet se ishte fshehur në një oborr të shtëpisë në qytet që kur ndodhi krimi.
I dyshuari është një shtetas sirian 26-vjeçar, i cili erdhi në Gjermani në vitin 2022 dhe aplikoi për azil në Bielefeld.
Arrestimi vjen pasi i ashtuquajturi grupi Shteti Islamik mori përgjegjësinë për sulmin.
Në një deklaratë të publikuar në faqen e tij të lajmeve Amaq më herët të shtunën, grupi tha se sulmi ishte kryer “për t’u hakmarrë ndaj muslimanëve në Palestinë dhe kudo”.
Tre personat që vdiqën ishin dy burra të moshës 67 dhe 56 vjeç dhe një grua 56-vjeçare, thanë autoritetet. Policia tha se sulmuesi dukej se kishte synuar qëllimisht fytin e viktimave të tij.
Njerëzit njoftuan policinë pak pas orës 21:30 me orën lokale të së premtes për një sulmues të panjohur, i cili kishte plagosur disa persona pasi theri pa dallim me thikë në qendër të qytetit Solingen.
