Mijëra policë, ushtarë dhe agjentë të FBI-së do të formojnë një “unazë çeliku” të padepërtueshme rreth Donald Trump dhe liderëve botërorë, në ceremoninë e betimit të presidentit të ri amerikan.
Dy qendra komanduese të FBI-së, një “re” me dronë dhe 30 milje gardhe “të pakalueshme” do të forcojnë operacionin e sigurisë së inagurimit të Donald Trump.
Masat vijnë pasi kërcënimeve për akte terroriste, në ditën kur Trump do të bëjë betimin si presidenti i 45-të i Shteteve të Bashkuara.
View this post on Instagram
Ceremonia e betimit do të kryhet në një amient të mbyllur për shkak të temperaturave të ulëta që kanë përfshirë Uashingtonin. Trump do të betohet brenda ndërtesës së Capitol Rotunda – siç bëri Ronald Reagan në vitin 1985.
Gati 8000 ushtarë janë dërguar në Uashington për të mbështetur forcën policore prej 25,000 trupash që rrethojnë Presidentin e zgjedhur, së bashku me anëtarët e Gardës Kombëtare nga çdo shtet. Zyrtarët lokalë dhe federalë zbuluan se janë “të përgatitur” për më të keqen – pavarësisht se nuk kanë marrë kërcënime specifike kundër Presidentit të zgjedhur.
Një rreth i madh kamionësh, blloqe betoni dhe gardhe të zeza dy metra të larta do të krijojnë një bllokadë rreth zonës, më e madhja e ngritur ndonjëherë në Uashington. Një pjesë e madhe e qytetit dy milje në të dyja anët e Shtëpisë së Bardhë do të jetë e mbyllur për trafikun.
Të pranishmit do të kalojnë nëpër pika kontrolli të ngjashme me ato në aeroporte.
Një kufizim i përkohshëm fluturimesh është vendosur mbi Uashington, duke lejuar një numër të madh dronësh survejimi.
