Manaj ndryshon ekip! Kontratë sensacionale, 8 mln euro për dy vite, Euronews zbulon detajet

Merkato e janarit i ka hapur rrugët sulmuesit të kombëtares shqiptare, Rei Manaj për të nisur një aventurë të re.

Kubi Sportiv në Euronews Albania, mëson ekskluzivisht se Manaj ka nënshkruar një kontratë 2-vjeçare me klubin kinez Zhejiang FC, me një pagë prej 4 milionë eurosh në sezon plus bonuse.

Ky transferim shënon një kapitull të ri në karrierën e ndërkombëtarit shqiptar jashtë Evropës, pas periudhës së fundit te Sharjah FC në Emiratet e Bashkuara Arabe, ku spikati me golat e tij.

Zhejiang synon të forcojë repartin ofensiv me përvojën ndërkombëtare të Manajt dhe të rrisë konkurrencën në kampionatin kinez.

Emri i sulmuesit të kombëtares u lidh me një rikthim në Turqi, por në fund Manaj ka vendosur të provojë një aventurë te re në Kinë.