Ushtria amerikane godet një anije të dyshuar me drogë në Karaibe, vriten 3 persona

Ushtria amerikane këtë të hënë kreu një sulm ndaj një anijeje të dyshuar për drogë në Karaibe, duke vrarë tre persona. Sulmin e njoftoi Komanda Jugore e SHBA-së në një postim në rrjetet sociale.

Postimi, i cili përfshinte një video të sulmit, njofton se anija operohej nga Organizata Terroriste. Sipas tyre anija po kalonte tranzit përgjatë rrugëve të njohura të trafikimit të drogës në Karaibe dhe ishte e angazhuar në operacione të trafikimit të drogës. 

Të paktën 151 persona janë vrarë deri tani në fushatën ushtarake të vazhdueshme të quajtur Operacioni Shtiza Jugore.

Operacioni i sotëm shënon sulmin e shtatë ndaj një anijeje këtë vit. Sulmi më i fundit ishte të premten, ndaj një anijeje në Oqeanin Paqësor lindor që vrau gjithashtu tre persona.

Më herët javën e kaluar, të hënën në mbrëmje, ushtria amerikane goditi tre anije të dyshuara për drogë në Karaibe dhe Paqësorin lindor, duke vrarë 11 persona.

Ligjvënësit kanë thënë se zyrtarët e administratës konfirmuan në konferenca me dyer të mbyllura se nuk i dinë gjithmonë identitetet e secilit person në bordin e anijeve që janë në shënjestër.