Vaksinimi për 60-vjeçarët: “Dëgjuam ministren, ndenjëm tre orë në radhë dhe nuk e bëmë vaksinën”

Nisja e vaksinimit për plus 60-vjeçarët ka krijuar radhë në orët e paradites në qendrën e vaksinimit në sheshin “Skënderbej”.

Ndonëse ministrja e shëndetësisë, Ogerta Manastirliu deklaroi se të moshuarit plus 60 vjeç duhet të kontaktojnë si fillim me mjekun e familjes, sërish një pjesë e tyre iu drejtuan menjwherw qendrave të vaksinimit.

“Të hënën tha ministrja që 60 vjecarët me sëmundje kronike do vaksinohen, dhe unë erdha ndenja 3 orë në rradhë dhe as vaksinë asgjëë nuk bëra,” – u shpreh e shqetësuar një zonjë.

“Jo kemi ardhur vetë, se e kemi dëgjuar në televizor,” – shtoi një zonjë tjetër.

“Po rrimë një orë thonë nuk bëhet. Si të ja bëjmë, të rrimë në diell e mos të vaksinohemi,” – tregoi gjithashtu një qytetare tjetër.

“Duke dëgjuar njoftimin e ministres 60 e lart, erdhëm këtu,” – u shpreh dhe një tjetër.

Në Sheshin Skënderbej por edhe në qendrat shëndetësore vaksinimi për plus 60-vjeçarët ka nisur si fillim për fashën më të lartë të kësaj moshe, pra për personat nga 63-69 vjeç.

Në ditët në vijim do të mund të vaksinohet edhe grupmosha 60 deri në 65 vjeç, ku prioritet sipas ministrisë së shëndetësisë kanë të sëmurët kronikë.

LEXONI GJITHASHTU:

• Lehtësimi i masave, qytetarët: S’ka ndonjë ndryshim me dy orë, urojmë të hiqen kufizimet sa më shpejt