VanHorn takon ministren Sala: Teknologjia amerikane mund të përmirësojë cilësinë e shëndetësisë

E ngarkuara me punë e SHBA Nancy VanHorn, zhvilloi ditën e sotme një takim me ministren e Shëndetësisë dhe Mirëqenies Sociale Evis Sala.

Ambasada amerikane, përmes një postimi në Facebook bën me dije se në këtë takim, i pari zyrtar i zhvilluar mes VanHorn dhe ministres Sala, diskutimet u përqendruan në përdorimin e inovacionit dhe transparencës për transformimin e kujdesit shëndetësor.

“Në takimin e tyre të parë zyrtar, e Ngarkuara me Punë Nancy VanHorn dhe Ministrja e Shëndetësisë dhe Mirëqenies Sociale Evis Sala diskutuan se si inovacioni dhe transparenca mund të transformojnë kujdesin shëndetësor. Ato eksploruan se si kompanitë farmaceutike dhe teknologjia amerikane mund të përmirësojnë ofrimin dhe cilësinë e shërbimeve shëndetësore publike për të gjithë”, thuhet në njoftimin e ambasadës amerikane.

In their first official meeting, Chargé d’Affaires Nancy VanHorn and Minister of Health and Social Welfare Evis Sala discussed how innovation and transparency can transform healthcare. They explored how American pharmaceutical companies and technology can enhance the delivery and… pic.twitter.com/FznwNgA8vI

— U.S. Embassy Tirana (@USEmbassyTirana) January 21, 2026