Vazhdojnë luftimet e ashpra, Ukrainasit rimarrin fshatin strategji

Në vijat e frontit në Ukrainë vazhdojnë luftimet e ashpra. Shtabi i përgjithshëm i forcave të armatosura ukrainase raportoi se trupat e mbetura ruse në Kupjansk, Liman dhe Bakhmut po zmbrapsen.

Ndërkohë, operacionet e tjera në kuadër të ofensivës ukrainase në Melitopol dhe Berdiansk vazhdojnë.

Në këtë kontekst, Ukraina pretendon se ka marrë nën kontroll një fshat në frontin jugor. Hanna Maliar, zëvendës ministre e Mbrojtjes së Ukrainës ka raportuar se fshati Urozhaine në rajonin e Donjeckut është çliruar.

Kjo i hap rrugë ushtrisë ukrainase të depërtojë në zona të tjera të marra nga Rusia, pasi Urozhaine ndodhet 90 km nga deti i Azovit.

Kievi deklaron se kundërofensiva po ecën më me ngadalë nga sa do të donte për shkak të kampeve të minuara nga rusët dhe përgatitja e këtyre trupave për t’u mbrojtur.

Autoritetet ukrainase raportuan gjithashtu se gjatë natës dronët rusë kishin goditur depozitat e grurit në portin tregtar të Renit, në lumin Dunai të Odesës, duke shkaktuar dëme të shumta.

Ndërkohë, mëngjesin e së mërkurës anija e parë me grurë u nis nga porti i Odesës përmes aksit të ri të lundrimit.

Anija është drejtuar për në Bosfor, me mbi 30 mijë tonelata në bord.

Nga ana tjetër, Ministria ruse e Mbrojtjes deklaroi se kishte rrëzuar tre dronë në jug-perëndim të Moskës, në rajonin Kaluga.

LEXONI GJITHASHTU:

• 4500 turistë në ditë në Sarandë, këtë vit kanë ardhur mbi 327 mijë të huaj
• Financial Times: Shqipëria një Itali e vogël, çmime konkurruese